🛑तळा ते पुणे एसटी सुरू.प्रवाशांनी लाभ घेण्याचे आवाहन

Team Raigad vedh August 02, 2021 0

🛑तळा ते पुणे एसटी सुरू.प्रवाशांनी लाभ घेण्याचे आवाहन

रायगड वेध तळा प्रतिनिधी श्रीकांत नांदगावकर

तळा ते माणगाव मार्गे सकाळी७.१५ वा. सुटणारी पुणे एसटी सेवा सोमवार पासून सुरू करण्यात आली असून जास्तीत जास्त प्रवाशांनी या एसटीचा लाभ घेण्याचे आवाहन एसटी महामंडळ प्रशासनाकडून करण्यात आले आहे. तळा बसस्थानकातून सकाळी ७.१५ वाजता सुटणारी तळा ते पुणे एसटी सेवा अचानक बंद केल्याने प्रवाशांमधून नाराजी व्यक्त करण्यात येत होती.दररोज सकाळी ७.१५ वाजता सुटणारी तळा ते पुणे ही एसटी बस सकाळी इंदापूर,माणगाव,महाड येथे कामावर जाणाऱ्या नागरिकांसाठी सोयीची पडत होती.तसेच लोणेरे येथे इंजिनिअरिंग कॉलेज मध्ये शिकण्यासाठी जात असलेल्या तालुक्यातील विद्यार्थ्यांना देखील या एसटीने प्रवास करणे सोयीस्कर पडत होते.तळा बसस्थानकातून पुणे साठी दिवसभरात एकच एसटी असल्याने बहुतांश नागरिक या एसटीने प्रवास करीत असत.तसेच सायंकाळी ६ वाजता तळा बसस्थानकात ही एसटी दाखल होत असल्याने येणाऱ्या प्रवाशांना देखील या बस चा मोठा आधार होता.मात्र अचानक ही एसटी बंद करण्यात आल्याने या मार्गावर प्रवास करणाऱ्या प्रवाशांना जास्तीचे पैसे मोजून खाजगी वाहनांनी प्रवास करावा लागत होता.तसेच आपल्या इच्छित स्थळी पोहचण्यासाठी प्रवाशांना वारंवार गाड्या बदलाव्या लागत असल्याने नाहक त्रासही सहन करावा लागत होता.याबाबत विविध वृत्तपत्रांच्या माध्यमातून ही एसटी सुरू करण्याची मागणी झाल्याने एसटी महामंडळाने त्याला सकारात्मक प्रतिसाद देत तळा ते पुणे ही एसटी सेवा पुन्हा सुरू केली. तसेच प्रवाशांनी या एसटीचा लाभ घेण्याचे आवाहन देखील करण्यात आले आहे.