🛑कोकणात गणेशोत्सवासाठी जाणा-या चाकरमान्यांना एस. टी. चा दिलासा

Team Raigad vedh August 04, 2021 0

🛑कोकणात गणेशोत्सवासाठी जाणा-या चाकरमान्यांना एस. टी. चा दिलासा

टिम रायगड वेध

कोरोनाची लाट ओसरल्यामुळे निर्बंध शिथिल करण्यात आले आहे. त्यामुळे,कोकणातील चाकरमान्यांना आता गणपती उत्सवासाठी गावाकडे जाण्याचे वेध लागले आहेत.यामुळेच चाकरमान्यांचा अत्यंत जिव्हाळ्याचा असलेल्या गणपती उत्सवासाठी एसटी महामंडळाने यंदा २ हजार २०० जादा गाड्या सोडण्याचा निर्णय घेतला आहे. मुंबई, ठाणे, पालघरमधील प्रमुख बसस्थानकांतून ४ सप्टेंबरपासून या बसेस सुटणार आहेत. चाकरमान्यांना थेट त्यांच्या घरापर्यंत सुखरूप सोडण्यात येणार आहे. तर १४ सप्टेंबरपासून या गाड्या परतीच्या मार्गाला लागणार आहेत. १६ जुलैपासून या बसेसचे परतीच्या प्रवासाचे आरक्षण सुरू होईल. गणेशोत्सवासाठी ४ ते १० सप्टेंबर दरम्यान या गाड्यांचा प्रवास सुरू राहील.तर १४ ते २० सप्टेंबर दरम्यान या गाड्या कोकणातून परतीच्या प्रवासाला लागतील,अशी माहिती परिवहनमंत्री आणि एसटी महामंडळाचे अध्यक्ष ॲड.अनिल परब यांनी दिली आहे.